31/12/16

31/12/16   SAT   COOL

又到2016的最後一日, 你話今年過得好快咩我又唔覺, 都係咁忙忙碌碌咁啦! 今日短周, 好足實咁洗咗好多錢, 過年前都係倒水咁倒架啦! 一朝早先係放低仲爺去嫲嫲到, 然後去荃灣食個早餐就染頭髮, 好在一早到咋, 因為真係會多人, 染剪洗兩個頭兩個鐘搞掂, 仲唔洗1K算係咁! 本來係諗住返去接番仲爺, 但嫲嫲話唔洗, 由得仲仲喺佢到, 叫我地有咩要買就可以去買, 咁咪喺荃灣D商場行囉, 真係買咗好多嘢, 我買咗對短boots, 一條裙一件衫, 子元都買咗波鞋, 又去睇玩具等等囉, 食埋嘢就返青衣, 老公載嫲嫲去買餸, 我就打暈仲爺, 我都要休息吓! 今晚打邊爐, 食到飽飽的, 8點幾回家就沖涼hea吓睇電視, K.O.仲爺就放子元玩吓, 比佢倒數埋先喎, 咁數完佢就去瞓我都瞓, 係老公自己睇波!

 

30/12/16

30/12/16   FRI   COLD

返埋今日又放假, 所以都係好holiday mood! 朝早我揍子元去阿媽到, 老公就揍仲仲入青衣! 買埋早餐返工啦, 返嚟都係做吓公事做吓自己嘢! 午飯後都係睇吓電視啦, 下午老細返過吓, 但都冇咩特別嘢做架啦! 放工準時閃, 買D餸今晚煮粥, 返屋企攞齊嘢就去小童接笨元, 而家淨係接子元, 老實講係輕鬆好多, 又唔洗趕煮飯, 係冇咁熱鬧但亦冇咁攰! 揍咗佢去泳池, 同May吹咗陣水就回家煮粥, 點知老公話佢要晏返, 我同子元食先, 後來先知原來佢公司下午BBQ完, 有D同事飲醉哂, 佢要送咗佢地返屋企才去接仲仲才回家, 咁我咪同子元兩個自己食囉! 返到嚟都差不多9點, 仲爺都瞓咗要抬上嚟! 夠鐘笨元都要瞓覺, 明天約咗染頭髮, 又要一早揍仲爺入去嫲嫲到!

 

 

 

 

 

29/12/16

29/12/16   THU   COLD

今日老公放假, 我要返工, 不過我起身時都8點幾, 要趕返工, 唔得閒再理佢地, 本應係老公揍子元去婆婆到, 點知佢又瞓番, 結果差不多12點先揍到子元過去, 浪費哂d溫習時間! 我今日都係hea吓啦, 午飯後睇電視啦! 下午都係做吓自己嘢啦, 大老闆娘返過嚟一陣, 點都有D嘢做吓! 放工前老公叫子元揍住仲仲上咗嚟玩咗陣, 然後就揍子元去學打鼓, 學完就去愉景新城, 之前應承咗子元比佢去玩, 咁都係食吓飯玩吓夾公仔掟彩虹, 又食埋雪糕咁, 8點幾要回家了! 返去沖好涼就趕佢兩個去瞓, 我地都沖涼hea吓啦, 12點幾就瞓!

 

 

28/12/16

28/12/16   WED   COLD

今日要返工啦, 子元仲喺小童camp緊, 老公揍仲仲入青衣就返工, 我就返工! 朝早差不多時間都在寫日記同skype吹水! 午飯要去買飯囉, 食完都係睇吓電視, 下午老細返過, 比D嘢佢簽吓睇吓啦, 都係閒閒咁, 等放工前部影印機死咗…係出唔到紙卡卡聲, 好似電鑽咁聲! 放工回家3個男人瞓哂, 佢地今晚去睇張學友, 我喺屋企睇住仲爺, 買咗雞煮煲仔飯, 差不多7點佢地出發哂, 我就照煮飯啦, 煮煮吓仲爺醒埋, 都差不多食得, 條友又要人餵, 咁食得哂都算啦! 洗埋碗抺埋地, 8點半後陪仲爺玩咗陣就捉佢去沖涼, 9點多又要佢去瞓, 到我9點幾去沖涼都聽到佢未瞓, 不過由得佢啦自己玩啫! 沖好涼摺好衫都11點幾, 已經好眼瞓, 喺梳化瞓咗, 老公同子元差不多1點幾先返到, 見佢地返咗我都瞓啦!

27/12/16

27/12/16   TUE   COLD**

幾日假期話咁快又到尾聲了, 朝早都係瞓到好晏啦, 早餐去試咗間新嘢, 又幾好食喎! 跟住就回家啦, 我又開始顛啦, 面對子元對自己應該要做D咩又唔知, 呆哂個樣我就火! 後來老公接咗手, 叫我做其他嘢先囉, 到佢出咗去踢波, 得番我對住佢地時我又顛了, 都係火阿笨, 執行李去camp又唔識, 個細佬玩緊好地地佢又搞人, 火火地我咪掉咗佢D衫出走廊囉, 淨係識得玩唔識幫手! 3點幾出門口行過小童, 都早咗過到去, 好在可以放低佢, 買埋雞蛋回家就趕仲爺去瞓, 佢都攰啦好快瞓著, 我就摺埋D衫hea吓, 等仲仲瞓醒都6點多, 可以掉低子元出街, 仲仲都冇幾何係我地兩個揍佢一個, 因為我要買衫, 所以去咗德福行, 都買咗4件衛衣1件褸, 夾埋都係5百幾! 然後就去食晚餐, 食完再行吓玩具同12蚊店, 已經9點幾要回家啦! 回程時覺得真係凍咗好多, 子元只帶咗風褸, 怕佢明早若要外出活動就凍鬼死, 所以都係攞咗支氣攞埋件褸比佢! 返去K.O.咗仲仲就自由時間, 老公要做公司嘢, 陪佢做得嚟都點幾兩點, 過哂眼瞓時間反而瞓唔到呢!

 

 

 

26/12/16

26/12/16   MON   WARM**

今日要休息休息, 但都出咗街, 去咗海運同mega box! 朝早起得身出得門口都10點幾, 去新華食咗早餐過海運, 喺反斗城睇咗一輪, 老公又比佢地買嘢, 仲仲架搖控車應該係佢自己想要多, 子元就買咗board game. 本來主要係想買睡袋比佢去小童camp用, 但海運冇喎, 所以老公話去mega box睇吓, 喺運動嗰層就找到, 唔洗$300唔算貴啦, 咁唔一定camp先用, 平時凍都用得GE! 買完就周圍去行吓, 老公見到有間baby gym的物體, 可以$320試堂, 咁就比仲爺玩吓, 我地期間就去咗ikea行, 但估唔到原來我地冇同仲仲交代清楚佢玩體操時我地會走開, 所以佢唔見咗我地就喊囉, 真係太可愛啦! 接番佢就回家啦, 笨元要繼續做埋D閱讀記錄冊, 仲仲就瞓覺啦, 我地就休息! 老公今晚煮佢喺日本買的拉麵, 食完就落樓去超市入番貨, 回家後沖涼又趕佢地去瞓啦!