27/12/16

27/12/16   TUE   COLD**

幾日假期話咁快又到尾聲了, 朝早都係瞓到好晏啦, 早餐去試咗間新嘢, 又幾好食喎! 跟住就回家啦, 我又開始顛啦, 面對子元對自己應該要做D咩又唔知, 呆哂個樣我就火! 後來老公接咗手, 叫我做其他嘢先囉, 到佢出咗去踢波, 得番我對住佢地時我又顛了, 都係火阿笨, 執行李去camp又唔識, 個細佬玩緊好地地佢又搞人, 火火地我咪掉咗佢D衫出走廊囉, 淨係識得玩唔識幫手! 3點幾出門口行過小童, 都早咗過到去, 好在可以放低佢, 買埋雞蛋回家就趕仲爺去瞓, 佢都攰啦好快瞓著, 我就摺埋D衫hea吓, 等仲仲瞓醒都6點多, 可以掉低子元出街, 仲仲都冇幾何係我地兩個揍佢一個, 因為我要買衫, 所以去咗德福行, 都買咗4件衛衣1件褸, 夾埋都係5百幾! 然後就去食晚餐, 食完再行吓玩具同12蚊店, 已經9點幾要回家啦! 回程時覺得真係凍咗好多, 子元只帶咗風褸, 怕佢明早若要外出活動就凍鬼死, 所以都係攞咗支氣攞埋件褸比佢! 返去K.O.咗仲仲就自由時間, 老公要做公司嘢, 陪佢做得嚟都點幾兩點, 過哂眼瞓時間反而瞓唔到呢!