23/12/16

23/12/16   FRI   WARM

老公今日返啦, 10點鐘已起飛, 所以我返到公司佢已經起飛咗! 今日奶奶出嚟揍, 因為子元要學嘢, 9點揍到佢地去大快活會合, 我就返工啦! 都係做吓公事做吓自己嘢咁, 午餐出咗去食, 因為有人sponsor可以食聖誕餐, 我地就去咗食日本嘢, 之前一早訂咗枱架啦, 不過都冇想像中咁好食囉, 好在都係貼番$34啫! 下午老細冇返, 所以都係輕鬆地過, 仲去買咖啡飲! 放工老公嚟接我呀, 佢已經載埋子元去小童, 阿媽返屋企咁架啦, 返去攞埋子元游水D嘢就去小童等, 等佢地放得嚟換埋衫都6:45, 揍咗佢地去泳池, 程生同婷婷上咗嚟, 兩個細終於可以一齊玩吓! 本來嫲嫲係同我地一齊食GE, 但總之大包就話佢到咗美孚, 但我地要等子元游完水沖埋涼8點幾先食得, 佢地幾個唔知點溝通, 總之奶奶又驚個囡要等, 老公就覺得大包成日一相情願人地就佢, 最終奶奶就仆到出去回合個囡, 唉…真係唔知佢地點! 咁我地咪夠鐘就去接兩個大GE, 車咗佢地返西九我地一家就去食飯囉, 試咗間新GE西餐, 不過不失啦! 食完去松記買埋糖水就回家! K.O.哂佢地我就沖涼, 笨元到我出嚟11點幾都唔去瞓, 咪比我丙囉, 咁我地就hea到點幾先瞓!