4/12/16

4/12/16   SUN   HOT
今日係第三日亦係行程的最後一天了, 3日真係完全唔夠玩! 朝早又要7點幾起身, 真係好攞命, 8點多就有早餐食, 然後又係執行李, 台灣中式早餐冇粥架喎! 9點幾又要撤退了, 約咗10點去巧克力農場, 今日真係分開玩啦, 因為我地真係唔想睇咁多風景, 去巧克力玩咗幾個鐘啦, 又整朱古力餅乾裝飾, 又整香草精油, 仲食埋96%朱古力雪糕! 跟住就去咗食吓嘢, 小杜包子, 綠豆饡, 本人想去後壁湖, 但原來重建緊冇嘢睇, 唯有去近一點的貓鼻石嗰到睇啦, 總之係咪都睇到個海啦! 跟住就要回程了, 由墾丁返高雄反而仲耐, 4點幾已經走...6點幾先返到去, 天都黑哂啦, 都係去咗大魯閣食food court, 再比佢地睇吓玩具啦! 7點幾已經要快閃去機場, 老公又要還車, 仲爺又唔合作, 我又要顧十九幾萬樣嘢, 搞到我又顛! 最終都順利買埋手信上機啦, 仲爺本來都冇咩, 但到開始降落又開始喊, 但都冇法, 都唔知佢扭咩, 真係咁辛苦咩! 落到機又要去claim番個行李箱整拉鏈, 程家仲慘, 比人攞錯行李箱又要去搞一輪, 咁我地攞得車返去都已經11幾12點了! 搞掂埋D嘢瞓又1點幾, 呢幾日真係好攰啦!