9/12/16

9/12/16   FRI   COOL

今日都係要出去做嘢, 不過下午先出! 朝早照揍仲爺返學啦, 不過婷婷入學校時, 關主任話佢好似發過燒要抖2日, 搞到我又要打電話比Fiona, 咁最終都settle到! 返到公司做埋D公事私事等等, 又要開會咁, 最終經理同毛姐都冇去, 要去余記開會嘛, 所以係得我同芷過去, 為咗散紙事件, 又搞咗一輪, 我都唔明會計點搞, 人地要5毫找膠袋稅D錢比人, 佢係都唔肯比, 有人唱好哂佢都唔肯比, 叫D客比$1囉, 有時做嘢唔係咁架嘛, 所謂GE原則唔係咁用, 做人係要靈活變通架嘛, 最終芷咪找呂太去做, 咪又係要比5毫佢, 搞一輪都係咁為咩呢, 難為我囉! 2點多過到去工展會場, 廠又係只派咗2個人, 咁我地就係4個人set up個場, 人少有人少好, 做到5點左右都做完啦, 不過堅攰呀, 返到屋企我攰到唔願郁, 只係攤喺到, 7點到老公到咗就出去食米線, 今晚合唱團小小音樂會, 我地去睇所以出去食, 子元今晚都係唱得唔夠專心, 唱完差不多9點, 去咗食麥記才回家! K.O.咗佢地睇埋電視, 12點幾休息!