13/12/16

13/12/16   TUE   COOL

今朝終於準時揍到仲仲返學校, 問咗程太星期五游水點, 佢話會游但不上來食飯, 因為婷婷都病, 不過唔知係咪我自己心多, 都係覺得佢地表現係冷漠咗, 我都分唔出佢係因為攰呀定真係覺得婷婷病係因為仲仲傳染咗比佢啦, 算啦…反正都不是我控制範圍, 只係怕子元唔開心, 成日冇得見敏瑩啫! 返到公司都係做吓公事做吓自己嘢囉, 又幫同事個朋友睇青衣的幼稚園比D資訊佢, 話咁快又食飯啦, 都係睇吓電視啦, 下午又係悠閒吓, 今個星期老細唔喺香港, 仲唔休息吓咩, 之前幾個星期做死我啦! 放工去接笨元回家煮飯啦, 因為仲爺瞓咗, 老公攞唔哂D嘢就叫咗笨元落去停車場幫手, 都大個仔可以幫到手! 返到屋企仲爺照瞓, 所以冇食飯, 我地可以慢慢食, 子元好捧場, 清哂碟! 洗完碗抺埋地幫子元睇功課, 條友D數錯到離哂譜, 佢對除數的概念係冇錯, 但D列式真係錯到你唔信, 有排教! 所以對功課係好重要, 知道佢唔識咩錯咩! 終於搞掂佢可以沖涼, 趕得切睇解碼追兇呢! 邊睇邊摺衫, 執埋仲爺個書包, 差不多12點才可hea吓!