20/12/16

20/12/16   TUE   COOL

今日老公要飛啦, 一早揍仲仲入去, 我就可以慢慢整吓嘢先返工, 食埋早餐摺埋衫, 係差在未吸塵抺地, 比多15分鐘我可能得! 返到公司都係做下嘢啦, 今朝都冇咩特別嘢做, 午飯要去買飯, 都係食兩餸飯平靚正! 下午終於等到D老細肯返嚟, 比嘢佢簽埋問埋佢D活動出唔出席咁, 跟手開埋個會for Annual Dinner, 都差不多放工, 快閃返去接子元, 再入青衣食飯, 因為嫲嫲打過出嚟話仲仲唔肯瞓, 又係到扭計, 所以都係快D返去睇佢點! 快手食完飯早D返去啦, 因為約咗Now個人嚟睇機, 果然8點就到, 但睇完都冇用, 其實佢講完我都唔係太明, 總之就應該唔關個機事, 係樓下D線啦! 佢有佢整, 我有我叫兩個隻沖涼, 等整機人走咗我都沖咗涼先, 由得子元睇住仲仲, 9點多少捉仲仲去瞓, 跟住又比子元自由吓, 睇電視到9點幾先瞓囉, 之後我都好free, 唔洗摺衫唔洗做D咩, hea到睇完電視就瞓!