19/12/16

19/12/16   MON   COOL

仲仲今日開始放假啦, 可能佢知自己唔洗返學, 所以冇一早起身, 但我都係7點前要起身, 因為子元都仲係要返學, 揍咗佢上校車就返去叫醒嗰兩隻, 老公揍仲仲入嫲嫲到, 我就自己返工, 慢慢hea吓就出門口, 買埋早餐返去食, 跟住就寫番幾日日記啦, 咁都寫咗一朝啦, 午飯後都係睇吓電視打吓機啦! 下午冇咩特別趕, 老細明天才返, 梗係hea埋今日啦, 放工就去接笨元, 本來想買件波衫比老公, 但嗰間所謂上季波衫都要400蚊, 太貴啦, 又想買蛋糕的, 但不是太大就係唔啱口味, 所以最終咩都冇買, 以為返去有間阿菠蘿, 但原來執咗, 咩都冇得買! 返到去已打緊邊爐, 不過今日真係熱咗D! 食完睇埋愛回家先返去, 都係捉佢地沖涼瞓覺啦, 子元仲要執埋明天學校旅行D嘢又睇吓電視咁, 11點先肯瞓! 我地就睇埋J2套劇先囉! 老公明天又要飛啦, 到而家都係, 佢要飛我又好掛住架啦, 係咪太痴纏呢, 嘻嘻!