18/12/16

18/12/16   SUN   COOL

老公生日快樂! 今日冇咩專為佢GE慶祝活動, 主要係陪子元去踢全日的足球比賽, 仲要去到杏花村咁遠, 又係叫笨元買個包, 揍咗佢去開場安頓咗啦, 我地先去杏花新城食早餐, 跟住又返去睇吓, 睇到12點幾放飯啦, 下午才踢決賽, 佢地1勝2負, 只可爭銀盃! 食完嘢返去球場, 我電話冇咩電啦, 上咗車叉電我都喺車抖吓, 到差不多係佢決賽先出去支持吓佢, 最終都贏到喎, 攞咗銀盃冠軍呢! 跟住咪係咁影相呀頒獎咁囉, 到5點先走得, 接埋嫲嫲去愉景新城食飯, 最終都係食咗嗰間日本嘢, 不過冇叫4人餐叫咗2人餐再加其他囉! 食完去咗夾公仔, 大家都有嘢攞吓咁囉! 回家收拾…但笨元成日掛住睇電視嘛, 搞到我要閂機迫佢執好嘢先可以再開囉! 佢條友要睇哂頒獎禮先肯瞓, 我其實都好眼瞓, 所以11點幾都去瞓啦, 又冇摺衫又冇執嘢!