21/12/16

21/12/16   WED   RAIN

今日差不多8點先起身, 因為要出去做嘢, 唔洗準時返到公司, 所以我都唔咁早起身! 不過落到樓發現落雨, 唯有撘的士, 又勁好彩地迴旋處就有車, 入到去喺麥記等奶奶嚟到接手我就撘巴士過觀塘, 估唔到都要一個鐘有多先過到去, 換好證就撘地鐵回程, 都要11點幾先返得到去, 做吓自己嘢又食飯啦, 下午都係做吓自己嘢又搞吓公司Annual Dinner D嘢啦, 4點又放工閃人啦, 返去青衣接咗笨元佢地, 先返屋企hea吓, 6點幾先出門口去阿媽到食飯, 仲爺喺巴士瞓咗, 抱到我手軟! 一路到開飯都瞓架, 我食咗少少再叫醒佢, 襯佢矇矇地就餵咗半碗佢食囉, 然後放佢去玩, 食到8點幾9點就走啦, 又咁啱落雨喎, 好在唔算大雨, 我地行去巴士站都仲可以, 返到屋企都係沖好涼就趕佢地去瞓我再沖涼啦! 收到老公msg話可能要25號先返到嚟, 真係勁灰, 好在因為冇機位未必實行到, 咁都好D! K.O.哂佢地我又hea啦, 睇完電視12點幾夠哂攰先入房瞓!