16/12/16

16/12/16   FRI   COLD

今日仲仲學校聖誕Party, 不過時間係11:30-1:30, 我局住請全日假囉! 朝早都係要搞掂笨元返學, 老公就照返工啦, 不過一齊去北海道食咗早餐先, 跟住就去咗街市買餸, 諗住今晚打邊爐, 買齊嘢行返去, 由得仲爺自己玩, 我要prepare好D料先, 整到10點到幫仲仲著好聖誕裝就出發, 11點多已返到學校, 大家喺門口影吓相啦, 但原來仲爺麻麻地同D同學溝通, 咁鬼死慢熱! 集合好入去, 家長坐定定等睇表演, 仲爺出到嚟喺咁望搵我, 搵到就對住我笑到四萬咁口, 好搞笑! 睇佢表演好得意, 跳又跳得到但唱又唱唔出咁! 睇哂全部表演就分組活動, 總共4個活動, 我地先玩爭櫈仔, 仲爺都有投入GE, 但一D都唔狂野, 同平時喺屋企好唔同! 第2個活動係魔術表演, 咁仲爺又睇得好專心架喎! 第3個活動係DIY相架, 都係痴痴貼貼, 仲爺都參與到! 最後一個活動係聽故事, 跟住就食嘢抽獎啦, 仲仲都抽到盒顏色筆! 食完嘢就散場啦, 撘巴士返屋企買少少嘢返去, 再整烏冬比佢食! 食完嘢玩陣就捉佢去瞓, 我都要摺衫等等, 6點多執好佢地游水D嘢就叫醒仲仲出去, 要揍哥哥去游水! 老公話車埋嫲嫲出嚟一齊打邊爐, 咁搞掂哂佢地入泳池就回家準備開爐, 邊食邊等啦! 今晚係我地一家食咋, 食完老公送嫲嫲回家, 我就收拾洗碗抺地同仲爺沖涼捉佢去瞓啦!