14/12/16

14/12/16   WED   COOL

今日老公6:30起身煮子元個聖誕午餐, 因為學校今日餐單係聖誕餐, 子元又要跟, 咁佢daddy話負責嘛! 我照樣瞓到6:50先起身梳洗, 揍仔落樓, 回來快手搞掂就出門口, 可以早D同仲仲食埋早餐先入學校! 返到公司都唔算太忙, 開吓會做吓嘢咁, 又諗吓下月Annual Dinner D嘢囉, 話咁快又食晏, 睇吓電視咁! 下午都係做吓嘢, 食吓嘢等放工啦! 買埋餸去接笨元, 返到去煮飯啦, 叫佢做功課又唔郁, 結果又係食完飯先做, 嗰段時間我係最攰, 所以都冇咩理仲仲, 老公搞掂佢沖涼瞓, 我就睇子元功課, 之前叫佢搵番張普通話進評又話搵唔到, 丙完佢一輪咪又搵到! 對完嘢溫咗陣中文都已經10點多, 我真係要沖涼, 老公早咗一個鐘起身啫, 就早3個鐘要瞓! 所以我沖完涼咪自己睇吓電視摺埋D衫囉, 見餓餓地又食咗個杯麵, 唉…點解我咁為食!