11/12/16

11/12/16   SUN   COOL

朝早都係去畫班啦, 不過程生話敏瑩咳, 唔食麥記, 佢地自己過去, 又唔一齊食早餐, 令我諗多咗我地係咪做咗D咩得罪咗佢地呢! 不過都唔理得咁多啦, 應該唔關事GE! 叫子元自己去買麵包再喺停車場口等我地, 咁揍咗佢去畫室, 我地就去食早餐, 之後都係去買吓嘢啦, 接回子元返去快手又做少少專題, 然後又要去學嘢, 老公同佢報咗個單對單的音樂班! 等佢返嚟再做吓專題先, 2點多出去食午飯, 去咗悅來酒店商場食泰國嘢, 買埋聖誕禮物, 然後去AEON買衫比子元, 個肥仔好多衫都唔啱, 冇法一定要買! 買完4點幾返去啦, 老公打暈仲爺, 子元就要完成埋份專題, 我又要幫佢找圖片咁, 其實都冇咩休息! 到6點幾叫做抖咗陣, 7點又要煮飯, 老公出咗去踢波, 所以簡單地煮飯因為明天大家都要帶飯! 食完我已經好忙要收拾, 點知子元又掛住砌佢的transformer, 唔幫仲仲砌停車場, 結果又要我發火, 因為我真係仲有好多嘢要做, 邊分到身! 發一次顛係收效架, 佢地係會自動自覺D! K.O.咗仲爺叫子元執吓嘢, 我就沖涼先, 子元掛住睇電視又唔瞓, 又要趕佢先得! 老公踢完波10點多已經返到, 咁10點半趕咗笨元去瞓, 我又要摺埋D衫, 已經11點幾啦! 打咗陣機要瞓啦, 嗰時先喺whatsapps講開明天數學進評, 但子元真係冇提過, 我做佢堅係唔知囉個矇丙, 不過進評又唔計分, 仲好可以知佢唔識咩!