7/12/16

7/12/16   WED   COOL

今日都忙忙地啦, 朝早如常返學返工囉, 攞埋個手信返去比老師食! 返到公司都係做吓公事先啦, 真係多嘢要做, 又工展會又商會開會, 過埋呢幾日應該又會好D! 午飯後上咗去睇開倉, 執咗平嘢啦, 今朝又執咗少少, 真係好抵, 有襪有under都係10元8塊! 下午都係做公事啦, 放工前不久老細先返, 但都冇理佢啦, 比佢睇埋D嘢就閃! 老公今晚突然要陪客食飯, 我要揍埋笨元入青衣食飯, 8點多撘巴士回家, 老公同我地同步返到呢! 返去先K.O.咗仲仲, 同子元對功課, 再溫一溫英默就趕佢去瞓, 我就摺埋衫睇電視, 今晚老公陪我睇解碼追兇, 但今晚嗰集又唔驚喎!