12/12/16

12/12/16   MON   COOL*

今日都係如常咁返學返工啦, 朝早遲咗出門口, 趕唔切接更要排隊呢! 今日返到公司都係做吓自己嘢開吓會咁啦, 老細去咗旅行咪, 可以輕鬆吓, 之前又趕嘢趕到隻積咁! 午飯後都係打吓機睇吓電視, 下午都係hea吓啦, 好耐冇hea過咁! 放工即閃去揍笨元放話劇, 佢話要背稿啦, 睇佢背成點啦! 返到屋企條友掛住玩玩具, 真係比佢激死, 係咁要提佢郁! 差不多7點落樓接埋仲仲, 因為老公又要陪客食飯, 再送佢去機場呢! 今晚兩兄第相處得又幾好喎, 唔洗我發顛! 順順利利煮飯食飯, 仲爺自己食哂碗飯, 真係值得慶祝! 飯後玩吓8點幾沖涼9點多瞓覺啦, 咁我就沖涼叫子元自己溫吓書, 星期四中進嘛, 真係要慢慢放吓手, 睇佢識郁幾多, 等佢知要溫咩再去比練習佢做! 老公10點多返嚟, 沖完涼又要同子元練波, 我又要子元試埋D褲咁, 搞到11點左右先瞓呢, 我都勁攰, 睇解碼追兇睇到11:45瞓咗, 好在明天可以下午飯時睇番啫!