2/12/16

2/12/16   FRI   WARM


今日係仲爺3歲生日, 亦係期待已久的高雄之旅! 朝早7點未夠又要起身了, 因為約咗嫲嫲7:45樓下等, 先去食早餐然後才去check in, 又要等老公泊埋車, 攞埋錢才可以入閘, 又轉巴士咁先去到登機閘口啦, 好準時11點多已經起飛, 估唔到係飛機餐有飯食喎, 機程都好快, 不過仲爺唔知點解咳得嚴重咗, 到降落前耳仔又唔舒服係咁喊, 所以短短一個多鐘頭的機程都好辛苦先到! 降落後又要等兩位司機攞車, 等咗好耐呀! 第一站去駁二區, 去咗睇好多奇奇怪怪的藝術品, 又去埋微熱山丘買手信, 原來喺嗰到有免費招待你食一件, 都係以少駁大啦! 我地咁就買咗7盒啦, 慢慢行番出去攞車去鐵路博物館, 但原來唔多嘢睇, 有D失望! 之後就分道揚標, 佢地直接去大魯閣, 我地就返店check in 先, 仲要去買飛糕! 去得大魯閣都已經6點幾, 第一時間食咗嘢先, 都係去food court食咋, 跟住就痴程家玩, 因為佢地買咗套票, 老公就同子元去玩F賽車, 我當然有睇啦, 跟住就再買飛玩其他, 又入番商場打golf睇玩具, 10點幾走但不是返酒店而係去夜市, 但兩隻細瞓哂, 都係買返去食就算, 淨係輪沖涼都有排, 我仲要執嘢呢, 仲爺又咳多咗喎, 真係比佢玩死, 最終找點幾先瞓, 好攰!