10/12/16

10/12/16   SAT   COOL

今日長周要返工, 老公朝早就揍住兩個, 叫做做哂功課咁啦, 子元去補埋畫班添, 我放工就去買KFC返去食, 子元跟住又要去乒乓球啦, 好忙好忙呀! 我執好D嘢就帶仲仲落去超市買嘢, 順手要攞番張被啦, 估唔到仲爺攰到喺車仔回程已瞓咗, 咁我做少好多功夫, 放佢落床就得! 然後就對仲爺D功課, 摺衫等等, 4點左右子元回來又到對佢的功課, 還有做常識專題, 本來大人做係好易, 但又要解佢知同幫佢找資料就死! 差不多6點仲爺醒咗咪出街囉, 都要行吓GE, 近近地去咗奧海城, 子元要買過黑鞋白鞋, 唔係爛就係唔啱著, 仲爺就要買尿片, 夾埋又買咗成千蚊, 可以玩奧海城嗰D活動嘢, 今次有個跳彈床, 仲爺都夠高玩啦, 雖然又排又等咁都差不多成個鐘先走得, 但都好笑GE, 睇到子元個手腳不協調樣, 還有仲爺個完全唔驚樣, 真係超好笑! 返到屋企用肉骨茶打邊爐, 下午煲定GE, 不過子元好似唔多啱咁, 兩個都係食咗d就算, 咁我地食完咪收拾然後K.O.佢兩個囉!