15/3/18

15/3/18   THU   WARM

今日要去揍埋婷婷返學, 所以都有啲趕, 佢兩仔爺又慢, 我又喺樓下吹水吹耐咗, 所以都8:25先過得到去接, 揍咗佢地返學就買早餐返工啦, 今日唔算太多嘢趕, 老細係朝早返咗陣, 幾好呀! 商會啲嘢大致冇問題架啦, 學法仔話: 咩風浪未見過呀, 搞得掂GE! 午飯後都係睇吓電視, 下午繼續做自己嘢自娛吓! 放工去接笨元啦, 買埋餸返去煮飯, 今日簡單啲食腸蛋飯咋, 食完仲可以自己做埋吸塵抺地睇功課溫書, 10:30已經K.O.埋子元, 考埋明天當考完, 數學都係叫佢做架咋, 冇咩可以同佢溫! 跟住我就係到試化妝品, 星期六大龍鳳點都要畫一畫個樣, 但真係冇咩色底啱, 又唔想買……好煩! 沖好涼趕得切睇J2劇, 睇完都眼瞓, 打打吓機都瞓咗, 但老公又有嘢做緊冇一齊入房呢!