7/3/18

7/3/18   WED   COOL

今日如常咁返工返學啦, 約咗程生喺學校樓下交收, 但原來佢地今日返9點, 所以冇咁早, 咪諗住算囉, 點知喺迴旋處就見到佢地架車喺前面, 程生叫我地駛前拍喺隔離, 兩架車一路平排一路喺窗口交收, 老公話好似人地交收毒品咁! 返到去食埋早餐就等開會啦, 但真係堅眼瞓, 所以開完會馬上要飲番杯咖啡先頂得住! 午飯唔記得叫定米線, 所以唯有食便當啦! 下午都係做吓公事吹吓水咁, 放工返去接笨元, 直接入青衣城, 嫲嫲話出去食! 食完班友仔又話要食雪糕, 老公走咗去買godiva, 可惡! 返到屋企又要落去交校車錢, 終於搞掂仲爺就做埋運動先沖涼! 之後都係摺衫呀, 幫子元reset過部電話等等! 12點幾先瞓!