1/3/18

1/3/18   THU   WARM

今日都係照樣返工啦, 心情已經回復, 隨緣啦施主! 朝早起身整飯比子元帶, 跟住都係食早餐返工返學啦! 今日返到去都係要做嘢, 午飯要去買飯, 諗過睇埋中醫先, 但最終都係冇睇到! 下午返去都係做吓嘢啦, 有啲細藝都好, 時間過得快啲! 放工前最終都去咗睇一次中醫, 今次都唔好就要去睇西醫囉! 接子元返屋企煮飯啦, 一日冇停其實都真係會攰架, 飯後沖完涼做功課時間, 仲爺要做番之前的功課, 加上都多嘢寫, 佢條友又疴屎又肚痛多多事實咁, 係好激氣但都要迫到佢去做好為止, 所以搞到9點幾10點先瞓! 子元的功課我今日都冇睇, 咁我都信佢OK架啦, 沖好涼摺好衫, 12點幾老公先肯瞓呢, 掛住打機!