4/3/18

4/3/18.  SUN.  WARM

今日過得好HEA，因為兩位陸生都要踢波，咁我唯有全天候喺屋企等囉！朝早老公一早帶咗笨元出去，我就8點幾都要起身照顧仲爺，梳洗完煮早餐， 食完比佢玩到11點，我都睇完sailor moon先捉佢入去做功課， 呢樣先最辛苦，要識要明要肯寫真係好花時間，足足做咗差不多兩個鐘，真係想死！ 打比老公佢話都未知幾點返， 咁咪同仲爺落樓買料煮午餐囉，點知老公又話返，咁啲料留番明天帶飯用囉，出去食麥當勞，跟住又返嚟，因為到老公去踢波，返嚟仲爺瞓覺，子元溫書，點解好似係我冇得休息嘅！摺埋衫等老公回來又出去晚飯，去咗奧海城有得睇吓玩具又有平平地3餸飯！9點幾返屋企又左執右執咁，10點幾11點先沖涼可以睇電視休息吓！