8/3/18

8/3/18.   THU.   COLD

今朝仲爺又要一齊落樓，好麻煩！揍哂佢地返學就返工啦，今日都有啲嘢做吓，忙忙碌碌咗一輪又差不多食午飯，今日叫咗米線，不過只可以食清湯！要快啲好番先可以食番我鍾意嘅嘢！睇吓電視咁又要開工啦，努力做好自己啲嘢就收工， 阿媽揍咗子元過嚟， 所以可以直接返屋企煮飯，仲爺返到嚟瞓咗，叫佢都唔起身，咁碗飯就益埋阿哥啦，食完洗碗抺地， 子元要做體能練習，我就沖涼先啦，笨元而家成日都掛住玩機，都要限制番個時間先得，摺埋衫睇埋電視12點多都瞓啦！