21/3/18

21/3/18   WED   WARM

今日都係如常咁返工返學啦, 不過我下午要去覆診, 所以朝早都做好啲嘢先! 朝早都係要開會啦, 收到個會議紀錄時, 見到個大咪姐寫自己當日又有出席會議又係佢做紀錄, 嗰吓真係火火地, 忍唔住同啲sales呻咗幾句, 大佬嘢就我做咗你就公開比人睇係你做, 但我又唔得反抗, 因為個從中作梗的就係經理, 要捧佢個下屬, 對住呢D人我真係好厭! 1點閃人啦, 馬上返去睇番琴晚瞓著咗冇睇的電視, 食埋飯再摺埋衫, 執埋嘢就過醫院覆診啦, 今次覆家庭醫學科, 主力睇吓你個血壓計正唔正常, 要你keep住每星期量度, 1年後先覆診, 再做埋心電圖就OK! 早知咁早搞掂我就叫子元撘8號車返嚟喺屋企等我啦! 唔洗我又過阿媽到接佢, 攞住十斤嘢過荃灣剪頭髮! 過到去都係6點多, 等我同子元剪得嚟奶奶都揍住仲爺到啦, 我地齊齊剪哂5個頭, 跟住就去熊貓酒店食泰國嘢, 食完都9點多, 送奶奶返去時佢先發現漏咗電話, 都係仲爺衰啦, 唔睇就放低行人! 好在間餐廳都係熟, 佢地keep起咗, 我地咪過去攞番囉! 搞到10點幾先返到屋企, 仲爺已暈, 唔洗理佢快手沖涼, 趕住11點睇電視嘛, 子元就做運動但冇daddy睇住就做到豬油膏咁, 激死! 睇完我都好攰啦, 好快瞓啫, 但到半夜唔知幾點又比怪喊嘈醒, 以為仲爺要VV, 點知係已經賴咗, 唯有換完褲鋪條毛巾叫佢再瞓先啦!