14/5/17

14/5/17   SUN   HOT

今日係母親節呀, 但其實都冇咩特別, 只係晚上會出去食飯! 朝早第一個活動係子元去將軍澳考奧數, 揍咗佢去就同埋程生喺附近食早餐周圍行再hea囉, 夠鐘就去接番佢地, 問笨元識唔識, 佢有好似胸有成竹咁! 趕返去長沙灣就去學鼓啦, 我地就喺AEON睇咗陣嘢, 本來諗住揍咗子元去球場就車我地返屋企, 點知仲爺竟然望到炮哥架車, 我地就八掛佢地去邊, 最終仲一齊食晏, 不過只係我帶仲仲啫! 去咗食壽司啦, 都好開心架啦, 食完跟埋佢地車返屋企! 比仲仲玩到3點多瞓覺, 我就摺吓衫hea吓囉, 老公佢地4點多返到嚟, 食完嘢要笨元溫吓書, 5點前就要捉仲爺起身啦, 因為約咗食晚飯, 要接埋阿媽同阿嫲, 6點出到尖咀食, 大包識人book咗位方便D, 餐飯要又好忙咁叫呢個快D食, 叫嗰個唔好嘈, 充份顯示阿媽有幾忙! 食完送咗阿媽佢地返屋企, 我地返到去沖好涼比佢地玩陣就捉仲爺瞓, 子元就畫埋視藝先瞓!