4/5/17

4/5/17   THU   RAIN

今日又開始要返工返學啦, 所以又要6點幾起身整午飯比笨元, 仲爺未起身可以快手搞掂出門口, 返到學校原來今日直接喺迴旋處集合, 咁又要帶返仲爺落去, 但唔知要等到幾點, 所以交咗比個家長我就走啦! 今日返到公司都冇咩忙, 可以話好hea添! 寫好日記過吓相就等食飯, 不過午飯都要去買先有得食, 睇吓電視打吓機咁, 下午做咗少少嘢啦, 都係等收工諗吓今晚煮咩! 放工過去接咗笨元回家煮飯啦, 由得佢自己玩, 佢話做哂嘢嘛! 食完飯去咗跑步, 同子元練吓接力啦, 條友仲冇氣過我, 冇鬼用! 不過跑完又去咗食雪糕, 算是前工盡廢嗎! 返屋企沖完涼就捉兩個細瞓, 我摺埋衫已差不多12點, 跑完又攰喎, 所以睇完妙手都瞓啦!