7/5/17

7/5/17   SUN   HOT*

今朝阿媽話要入沙田, 叫我地埋兩個細入去睇吓阿婆, 所以10點多出門口接埋阿媽入沙田, 買埋早餐上去食, 不過一來時間又趕, 子元12點又要出番去學鼓, 仲爺又唔多合作, 所以都冇咩玩就走啦! 子元去學嘢, 我就同仲爺返屋企, 佢有好多功課要做呀, 叫佢執玩具唔執, 我真係打咗兩吓, 死死地氣喊住執, 到第二次再執咪乖乖去做囉, 係要人打GE! 3點捉佢入去瞓, 搞到笨元踢完波返嚟都唔煩, 最終4點多先叫做冇再搞事, 咁我又要同笨元溫中文進評啦, 溫好可以一齊休息啦, 到5點幾仲爺瞓醒啦, 不過喺房大叫媽媽我就知出事 – 賴咗尿呢! 又要換床單又要換衫啦, 跟住佢地就照睇電視, 我要裝好身出去飲, 預計7點半去到, 點知差不多7點半先出到門口呢! 老公就揍兩個去海運睇玩具食KFC, 我就飲到10點幾11點先閃, 回程喺巴士幾好瞓呀! 返到去都冇做家務啦, 好攰啦!