15/5/17

15/5/17    MON   RAIN

今日都落咗好耐雨, 仲爺仲要半夜又賴尿, 臨天光又發夢喺到喊, 搞到我都冇覺好瞓, 再對住咁GE天氣真係好攰! 仲爺著埋水鞋攞埋遮返學啦, 今日都有D趕呀, 因為天雨落滑行慢D好! 返到公司都係寫番D日記啦, 不過之前唔敢開電腦住, 要諗吓點處理嗰D甚麼病毒, 叫做應該都冇咩事啦! 閒過咗個上午啦, 午飯後都係睇吓電視啦, 下午都係hea過, 放工買餸返去接笨元, 返到去都係煮飯啦, 笨元就成日掛住睇電視, 多多借口唔溫習, 都唔諗吓仲有幾個星期就考試! 老公回來就食飯啦, 仲爺又係到扭, 食飯啫有幾難呀! 跟住都係沖涼睇功課趕仔入房瞓啦, 今晚超眼瞓, 11點未夠已經喺梳化瞓咗!