6/5/17

6/5/17   SAT   HOT

今日都係忙忙碌碌啦, 朝早我要返工呀, 所以都要8點起身, 捉哂佢地3個起身出得門口都9點, 返到公司都係做吓私事啦, 然後就係等放工啦, 老公攞咗架車去洗, 所以過青山道找佢食飯, 要等架車洗好先, 所以食完都要行吓街先, 都冇咩好睇, 只係去咗睇吓梳化! 等架車抺好快手去接笨元去打乒乓波, 然後就返一返屋企, 執埋嘢出去, 分頭行事, 我去小童報名, 老公做司機接送, 要報的活動都算報到, 係子元個NERF射擊camp滿咗囉, 照同佢排後備啦! 等交埋錢已經5點, 老公到樓下接埋我就出街, 去咗九龍灣行德福, 仲爺由3點幾嗰程車開始瞓一瞓到去九龍灣, 都夠2個鐘囉! 去到老公先買咗褲同鞋, 咁就買咗千幾蚊, 不過佢D褲真係著到開襠咁, 鞋又光頭, 都已經選減價嚟買, 只係而家D嘢太貴! 跟住就去睇吓玩具囉, 然後就去食晚飯, 子元話想食super sandwich喎, 咁有人提意咗就最好啦, 食完再去一期嗰邊行多陣就走啦, 返到去笨元要睇銀河守護隊喎, 我地就係到傾裝修嘢, 可能有D意見爭持, 所以笨元就有D擔心咁, 覺得我地鬧交囉, 咁傾呢D實有意見不合架啦, 咪就係要傾咁解啫! 睇完電視11點幾12點佢先瞓, 老公今晚睇波, 所以我都自己瞓先啦!