23/5/17

23/5/17   TUE   HOT

今日都係如常咁返學啦, 差不多出門口送子元落樓時仲爺就醒, 但佢又話要換校服咁, 但邊有時間啫, 佢咪又喺到扭, 我就更燥! 返上樓後先換衫咪乖囉, 揍咗佢返學就返工啦, 今朝都冇咩忙, 做吓自己嘢, 午飯後都係睇電視啦, 下午又係HEA囉, 放工要入去接仲爺, 但返到去收到老公通知又話唔洗OT喎, 叫我喺嫲嫲到等佢嚟接, 咁嫲嫲約咗人出街嘛, 所以一齊車佢地出咗荃灣先去接笨元, 快手去咗食米線就返屋企, 老公趕住去踢波! 沖完涼子元就掛住睇射雕, 仲仲就係咁攞玩具玩, 預早同佢刷好牙, 諗住子元睇完電視就K.O.佢, 點知仲仲玩極都唔夠, 又喺到扭, 喺要我出動衣架先得! 沖好涼先K.O.笨元, 跟住就摺衫睇電視啦, 老公11點多已返到, 齊齊睇完電視1點多先瞓!