12/2/18

12/2/18   MON   COLD

今日子元同仲爺喺嫲嫲到, 所以送咗佢地出門口就可以, 我慢慢執埋啲嘢先出門口, 買埋早餐返去食! 今日又唔洗開會, 都好GE, 做吓自己嘢啦! 老細們返哂澳洲輕鬆好多! 午餐出咗去食日本嘢, 食咗個刺身飯唔錯喎! 下午都係做自己嘢, 本來想買戲飛但網上買去到最後嗰part又唔得喎, 頂! 最終都係冇買到! 放工要同奶奶會合接番兩個細, 明明話大包一齊揍佢地出嚟架嘛, 結果又唔喺屋企, 要嫲嫲同佢地撘車出嚟! 咁我再揍佢兩個去北角, 呢D時間撘地鐵真係好辛苦, 今次帶埋仲爺又要抱住佢, 喺金鐘等咗4部車先迫到上去, 過到北角都過哂6:30啦, 仲爺喺球場梗係周圍搞啦, 終於等到老公嚟到, 我可以上車打吓機啦, 仲爺就一時喺車睇機一時又要落球場玩! 等到8點幾終於散啦, 去食埋嘢就返屋企, 都係快手K.O.哂佢地沖涼瞓覺啦!