17/2/18

17/2/18.  SAT.   WARM

年初二的活動都係年年如是，不過中午先去阿婆到就真係可以瞓晏啲！9點幾比佢地嘈醒都要起身啦，煮早餐執吓嘢執吓自己出門口都12點先過到去，人又多地方又細，食起飯上嚟都真係要立食先掂，我又要照顧仲爺食飯，佢都算係咁食完肯添少少食哂，坐咗一輪老公帶佢落去玩遊樂場踢吓波咁，唔洗困喺屋又咩都冇得玩，子元就有電視可以唔郁，有好有唔好啦！差不多3點閃人，去葵廣幫子元個電話換電，都係時候要比個電話佢， 一來佢平時用開嗰隻電話錶爛咗，咁反正我有部I phone 4喺到，只係舊電老化，$150換咗佢又可以重生， 幾好呀！接埋嫲嫲同大包就去愉景新城玩吓，都係去嗰兩個地方啦，6點幾就去食晚餐啦，又係去地下嗰到食西餐，見佢地人人都叫咗一份，咁我食仲爺嗰份得啦，最多叫多個拼盤齊齊分！食完回程啦，返到去執吓嘢打暈仲仲，又整吓子元部電話，update過哂啲嘢都搞咗一大輪，沖好涼休息吓，明天又去拜年！