6/2/18

6/2/18   TUE   VERY COLD

今日返學又趕校車, 朝早都咁跑真係好辛苦, 揍哂佢地返學就返工啦, 呢幾日太凍, 都冇食凍冰冰的脆片啦, 不過咁食法又肥死! 返到公司都係做吓嘢啦, 估計老細應該唔返, 所以都好free! 食飯時就睇吓電視啦, 下午都係無聊吓, 今日約咗去法國醫院照腎超聲波, 4:30早走老公嚟車我, 但仲爺又話要疴屎, 入到去又冇得疴, 玩嘢! 過到法國排到去見醫生啦, 先知今日只係見醫生, 照係要再約期, 頂….個護士又唔講清楚! 浪費哂我啲時間! 一齊過去北角笨元踢波, 仲爺喺車瞓咗, 咁我就喺車陪佢, 瞓到7點幾起咗身, 佢話口渴咪帶佢去買嘢飲, 又去睇哥哥踢咗陣波, 就再去遊樂場玩吓, 等哥哥換埋衫就去食魚蛋粉, 點知仲仲又話要疴屎, 咁梗係又疴唔到啦, 真係好激氣! 食完返到去沖埋涼咪疴到囉, 拳頭咁大梗係難疴啦! K.O.哂佢地可以自由吓, 摺吓衫睇吓電視, 又同陸生睇吓澳門啲package, 但都真係好貴囉, 諗吓算啦!