3/2/18

3/2/18.  SAT.  COLD

今日短周， 子元要比賽， 老公處理我冇理咁多，瞓到9點多仲爺都係唔放過我要起身！先同佢沖好涼再整早餐食，跟住就要同佢做功課啦，最辛苦同佢做功課，佢要人喺隔離陪住佢做喎，點得呀， 我都有好多家務要做架嘛， 結果咁來來回回啲衫摺咗2個鐘先摺得完！12點幾老公返嚟，咁準備落樓啦， 但仲爺著對襪著半個鐘都未得，攞明玩嘢啦， 搞到我又要發顛先得真係好討厭！快車去海怡半島到仲爺學音樂，幾經辛苦找到間鋪啦，放下仲爺搞埋啲手續就得，去行吓AEON等夠鐘，原來呢間係識ge人有份開架，初頭以為喺佢仔女喺到學所以poster先見到佢地樣，原來有份做！學完仲爺好開心唔想走咁，但都要去食嘢啦， 好肚餓呀！食完去公園玩咗陣就回程， 返去瞓到咁上吓，6點幾出發去東九龍，約咗程家晚飯，轉到第3次場先食到，之前實在係泊唔到車，最終泊街食大牌檔，真係超好食呢再吹吓水咁，好似好耐冇同佢地食飯！食吓吹吓到8點幾9點才回家，搞掂佢地就沖涼啦，仲同班主任喺網上吹咗好耐水，講吓個人講吓笨爺講吓其他咁，講到點幾呢！其實一開始我只係想話調家長日個時間啫，咁又吹咗一大餐！