2/2/18

2/2/18.   FRI.  VERY COLD

今日要代老細去食啲飯局，所以要找衫著，真係好鬼怕， 但都要做架！朝早都係搞掂啲細返學啦，叫老公起身幫仲爺沖涼，我都好多嘢忙！返到公司本來都冇咩，臨出門口先知道要print會計文件攞去商合比人簽，所以都遲咗好多出門口，但12點前去到都得啦， 洗鬼咁趕！去到做吓正經嘢，跟住都係等食吹水等等啦，查實都幾無聊但又冇咩好做都幾無奈！食到兩點幾影埋相都走得，我返屋企換埋衫先返公司，因為要攞埋子元今晚踢波的家檔！返到公司做吓嘢咁5點半即閃去接仔， 今日去九龍灣踢，但過得去都要大半個鐘，佢踢咁耐我地就吹咁耐風，真係凍到顛，難為還要睇住仲爺，真係想捉佢上車算！8點幾終於閃得，去咗mega box食完嘢睇咗陣玩具就閃啦，返到去都夜，快點搞掂瞓覺！