25/2/18

25/2/18   SUN   WARM+

今朝可以瞓晏啲啦,9點幾10點先起身, 不過嗰兩隻嘢喺廳其實已經好嘈! 梳洗後煮早餐啦, 因為出去食真係貴, 食完老公帶子元去打鼓同踢波, 我就同仲爺喺屋企, 其實都幾hea, 只係摺咗衫都冇做啲咩, 點幾兩點開始要仲爺執嘢, 落樓玩吓啦, 喺屋企都玩咗好耐! 去吓遊樂場咁, 本來諗住過球場找老公佢地, 但時間又唔啱, 就只係喺美孚玩吓遊樂場算, 等佢地返到嚟接埋我地返屋企, 老公去買嘢食, 食完就K.O.咗仲爺, 老公同我都瞓咗, 6點幾仲爺起身我地都要起身, 去咗長沙灣食咗簡簡單單一餐咋! 返去沖完涼睇吓電視, 套新GE劇又幾好笑喎, 仲仲10點前就比我K.O.咗, 子元就睇哂先瞓, 可能瞓咗晏覺所以hea到點幾都未瞓得著呢!