19/6/22

 19/6/22.    SUN.    COOL

今日係父親節，老公話想去戲院睇侏羅紀，所以琴晚買好飛，今朝睇10:45嗰一場，以免唔識路同埋搵唔到，我哋9:45就出門口，泊好車上返商場，搵到戲院又話要去買嘢食，夠鐘就入場，今次選咗最後一行座位好似高咗少少，下次知道點買飛！原來呢度睇戲有好多廣告同片頭，都等咗一輪先開始，第一次冇任何字幕之下睇兩個幾鐘頭戲，原來我都可以明到八成，加上本身對套戲都有啲了解，所以大致上睇晒完全冇問題，都有啲驚喜！係得仲爺咩都唔明囉！散場嘅時候已經一點幾，喺商場行咗陣，用咗好多時間去搵返個停車場入口，因為嚟嘅時候商場仲未開，冇為意啲商舖喺邊度，幾經辛苦搵到入口可以攞返架車離開，跟住去咗Broadway搵嘢食，最終去咗意大利餐廳食，因為我唔想再食all day breakfast，食完就返屋企啦，我仲要做家務，細佬仲要做功課！八點幾先至食晚餐，老公喺馬莎買咗啲炒麵嘅材料，但係賣晒啲材料都係啱鬼佬多啲，要食炒麵我都係用返中國人材料好啲！聽日又要返工返學！加油！