4/6/22

 4/6/22     SAT.    COOL

琴晚實在太夜瞓啦，所以今朝九點幾先醒，不過都係瞓得麻麻地！起身之後都已經咁晏，就叫老公不如整埋啲乾炒牛河當早午餐食就算，之後細佬又話要打FIFA，咁就打到點幾鐘要出門口，因為子元要去補習，車咗佢去補習之後，我哋就去咗broadway買嘢，買完返屋企休息返一個鐘再去接佢，咁又差不多一日啦！老公煮完飯食，我就摺埋啲衫，不過之前打機嘅時候，細佬又喺度嘈之巴閉，真係令人好氣憤搞到我都發脾氣！晚飯之後去沖涼休息啦，同埋聽日又要開始返學啦好慘！