6/6/22

 6/6/22     MON.    COLD

終於又要返工返學喇，回復正常一早起身，照常湊咗仲仲返學就返工，今日都係跟Bella，估唔到佢記得我放假前仲病緊，今日就問我好返未，真係有我心！頭兩堂R E都係照樣跟吓嘢，係第二堂測驗時我可以肆無忌憚咁睇書，睇書冇嘢捉到掛，以後都係帶本小說返去好啲，咩時候都可以睇吓，唔係我就嚟可以見到有冥想能力㗎啦！放飯時候另一個同事同我一齊喺2樓食飯傾吓計，都好嘅唔使成日獨家村咁！跟住返去照上堂，到佢哋午飯時我仲邊睇書邊睇住佢哋， Bella帶咗cupcake 返嚟，仲請我食咗一個！第二堂衰人去咗complota Room搵資料我，我同letty同埋Holly又肆無忌憚咁用廣東話講嘢，完全當其他人冇到，都幾好笑！上埋堂數學就放工啦，好在醒起今日係星期一，應該係我要接仲，咁就要打電話安排返，因為我同仲講咗今日係 Mandy接佢！快手去到學校接完佢就返屋企，休息吓四點幾又要出外買餸同接德德，老公揍晒佢哋兩個去踢波，我就同德仔單打獨鬥，好在今日佢都好乖，食飯就好快，之後就陪我一齊睇吓電視打下機等佢阿爸嚟，不過臨尾疴多篤屎我嘆！等佢走咗我又要開始煮飯食，佢哋返咗嚟沖涼老公就煮埋下半場，食完飯都九點多，都未沖得切涼，仲仲等唔切我講故事就瞓咗！