13/10/13

13/10/13   SUN   HOT
今日都幾hea吓, 遇咗係HEA日架啦, 朝早笨元都九點多先起身, 所以我地都瞓到十點, 本來諗住去荃灣剪頭髮, 但原來我地個髮型師呢兩日都OFF, 好在打咗個電話去問吓先啫! 咪唯有出去麥當當食完早餐, 再去買埋材料今晚煮咖哩囉! 由於要借圖書, 唯有行返去圖書館借完再行返屋企, 勁攰呢! 返去抖到點幾先開始捨得郁, 笨元做填色比賽, 我就打掃做家務, 之後都係休息吓收捨吓佢D功課等, 老公走咗去瞓覺, 好在笨元夠鐘都走去叫醒佢起身煮飯, 我就整緊佢D功課! 食完好好味咖哩就沖涼預備睇掌門人同聲夢呢!