14/10/13

14/10/13   MON   HOT

7年之癢結婚周年, 要帶埋隻笨一齊出去呢, 怕佢小器呀! 朝早瞓到十點幾先起身, 只可以去闆闆嗰到食早餐, 執齊嘢出發, 食飽就撘巴士去歷史博物館, 都係幾唔關係的慶祝活動吧, 不過又諗唔到有咩地方可以去, 諗過去book酒店玩架, 亦諗過過澳門, 但又好似貴咗D, 同埋我都未必有力玩, 不如出年帶埋蕃薯粒先一齊去! 去到買飛入場, 另場外有巴士展, 但人多到都睇唔到D咩! 要比錢的“香港故事”人少好多! 笨元今次比較識睇啦, 字亦識多咗, 不過都唔算好有耐性睇! 行完全個展覽大約兩個多小時, 影埋出面的舊巴士就找地方食嘢啦, 平平地食咗個TEA就撘巴士過去海運買牛扒, 生蠔整大餐! 解釋咗比笨元聽佢就肯放棄去反斗城, 同埋佢已經謝謝地, 冇力行啦, 回程巴士上勁瞓囉, 返到去六點幾啦, 沖好涼等食, 老公今日好乖, 煮之餘肯洗埋, 因為我要跟埋D功課等等嘛! K.O.笨元後就睇電視, 睇咗套“英超有情人”, 睇到一點先瞓啦, 但近來都瞓得唔好, 唔係醒就發夢, 唉!

<好多人的巴士展!>

 <子元拿機影...十幾張有一張可以!>

 <扮林村許願樹, 子元自己寫的!>

 <扮圍村仔?>

 <閒來自拍>

 <開大炮射我喎!>

 <扮貴族?>

 <真係有紅色郵筒架!>

 <兩款添呀!>

< 唔會郁的電車!>

 <場外巴士展!>

 <和Daddy來一張吧!>

 <唯有最好的合照!>

<影到人又影唔到車!>

 

<自家制大餐享受中!>

 <大大個焗薯!>

 <勁美味生蠔!>

 <超級大牛扒!>