17/10/13

17/10/13   THU   WARM

今朝都趕趕地架啦, 加埋等唔到小巴, 8:50先返得到學校囉, 笨元見到校長聲都聲咁好好笑囉! 出到學校又掛住吹水, 9點先去撘車所以買埋早餐都遲返到公司! 不過朝早都係冇咩特別, 做吓自己嘢咁啦, 午飯後打吓機睇吓電視咁又開工, 老細今日終於有返, 好似幾日冇講嘢咁講唔停, 煩到你死! 食埋TEA就差不多放工啦, 阿媽攞咗D麵同果皮比我, 都好今日直接返屋企唔怕重! 回家後先同隻笨白白完就食飯, 佢把嘴真係好尖, 新鮮雞就話好好食, 幾快食哂D飯呀! 休息吓睇埋愛回家就溫習, 然後叫佢做珠心算, 點知做咗幾題就話眼瞓, 不過佢真係肯刷好牙講完故事就瞓覺, 咁可能真係攰呢, 珠心算又唔趕就比佢唔做住囉! 佢瞓咗都冇再走出嚟, 我就等老公買紫米露返嚟比我食, 睇吓電視等D衫可以放埋入乾衣機就瞓啦!