29/10/13

29/10/13   TUE   WARM

又係如常返學的一天, 叫佢記得送番舊刷膠比鎵樂啦, 跟住就返工買早餐啦, 今日都係做吓自己嘢hea吓多, 又冇人skype吹水喎! 午飯買咗D腸粉配湯渣啦, 之後老細又係咁早返咗嚟, 真係好冇癮架! 下午再吓公事後就勁無聊地諗吓奶奶間屋嗰到點擺過D位囉, 不過未知size都係要返去度咗先有得詳諗, 而家都係想像式啫! 咁返到去咪度吓嘢囉, 笨元就係到睇佢個蘇菲亞公主, 食飯時食咗少少又瞓鬼咗, 叫咗佢放學返嚟就瞓架啦, 係唔肯聽, 等佢瞓到8:15左右就捉佢走啦, 瞓爛覺又係到發炆囉, 最乞人憎! 返到去沖完涼再溫習啦, 都溫到有D火呀, 唔知佢係一時間回唔到魂定咩啦, 溫好執埋嘢都十點幾, 比佢玩多5分鐘再瞓, 又要走出嚟幾次, 梗係啦, 七點幾先嚟瞓大半個鐘!