31/10/15

31/10/15   SAT   WARM

今日當然係要返工, 但兩隻仔病咗, 柏仲發燒子元又咳得勁咗, 結果齊齊去睇葉醫生, 本來我都諗住睇完就返工, 但睇得嚟都差不多10點, 又未食早餐喎, 所以都係請番半日假算啦! 睇咗我1200蚊醫生, 見完葉醫生就好架啦佢! 去食埋個早餐就撘巴士返去, 老公揍佢地返去先, 我又要去銀行又要去超市, 返到去都12點多, 柏仲食咗藥瞓咗, 子元就先對陣功課溫陣書, 然後要佢去瞓, 我就煮飯仔比佢地食, 老公就係咁喺到砌Robie, 柏仲3點多醒咗就先餵佢食粥, 到子元醒啦, 但唔知係咪D藥太勁, 佢係咁喺到發顛, 嘢又唔多想食, 最終食咗少少啦, 晚飯我地大人食米線, 買咗個腸粉比子元, 另外食埋餘下的粥! 專登K.O.咗柏仲先開餐食米線架, 子元食咗藥10點幾都瞓啦, 我地就食完hea吓先囉, 老公明天要飛啦, 我真係超唔捨得呀, 可能佢真係太耐冇出trip呢!

30/10/15

30/10/15   FRI   WARM

今日要出去開會, 早早就要出去! 朝早搞掂兩隻細, 揍咗柏仲入青衣就返工, 返到去D時間好唔夠用, 連日記都未寫得切, 整陣嘢就要出門口, 12點過到去食lunch, 然後返上去開票等, Nicho要去睇醫生, 上得嚟又整吓自己嘢, 所以都開好哂票囉! 2:30準時開會, 比我預期中快開完, 4點幾已經走得, 係煩在要改交流團個期, 老細的低能真係會令人發瘋, 所以嗰套邊個波士唔抵死其實真係講中好多人心聲! 4點幾走得, 撘巴士返青衣, 好快返到去, 等有42先上去巴士站! 返到去執一執嘢就去小童接佢地, 今日兩個係哈佬喂look, 影吓相紀錄吓啦! 喺泳池門口交收埋今晚打邊爐的餸, 就返去整嘢, 老公沖咗涼先, 又洗吓菜執吓枱準備啦! 8點多Gloria揍咗佢地上嚟後, 我快手同佢地沖涼, 男仔沖涼真係快手好多! 同兩位小姐沖涼, 淨係洗個頭已經有排搞! 打邊爐前先K.O.咗柏仲, 細路們就食烏冬啫, 不過子元之後一路都有再食嘢, 結果臨尾咪又嘔囉, 由於打邊爐可以慢慢食, 婷婷又瞓咗, 所以到11點多先開始執嘢, 我12點都仲喺到拖緊地呀, 真係好少有!

29/10/15

29/10/15   THU   WARM**

今日都係如常咁返工返學, 子元一早起咗身, 即刻整個包比佢食啦! 跟手回來不久又出門口揍柏仲入去啦, 時間尚早就食埋早餐先返工啦, 朝早都係做吓自己嘢啦, 跟住咪食午飯睇吓電視囉! 下午都係做吓自己嘢啦, 準備吓明天開會D嘢啦, 又出吓卷比子元數學進評, 咁又一日! 放工去接笨元啦, 回家後都係煮飯啦, 老公回來就食飯啦, 知道明天唔洗飛住, 咁都好D, 因為明天人手好緊張! 晚飯後洗碗抺地, 睇埋子元功課, 柏仲食埋奶就可以瞓啦, K.O.埋子元就可以休息啦!

28/10/15

28/10/15   WED   WARM

今日都係起身揍仔返學啦, 子元可能琴晚食咗D敏感藥, 所以今朝都唔多肯起身! 揍咗佢我同仲仲又返上樓啦, 今日有兩機衫等住我, turbo手摺好就出門口入嫲嫲到啦, 買埋早餐就返公司, 今日都冇咩公事做過, 的唔起心肝做, only係到吹水, 午飯去咗Aeon入貨, 因為張媽話攞個蛋糕比子元, 咁咪同佢一齊去掃吓貨囉, 反而係我掃得多囉, 急凍嘢係抵買, 不過要搬餐死呢! 買完就求奇立食個快餐就算啦, 又要2點趕返去公司, 雖則下午都係hea! 放工返去接笨元啦, 今日都算乖仔啦, 返到屋企算自動波, 有時唔望實佢咁多, 佢又好似做得幾好! 我就整定D餸再去沖涼啦, 老公正常時間返嚟, 咁8點前開到飯, 食完洗埋碗抺埋地都8點9, 先打暈柏仲, 再同子元睇功課, 今日功課少, 同埋只係溫吓默書啫, 所以都好快搞掂, 咁之後食埋Gloria的蛋糕就瞓覺, 我今日都好攰, 老公要幫子元整哈佬喂裝朿, 我頂唔順11點多就瞓先啦!

 

27/10/15

27/10/15   TUE   WARM

今朝鬧鐘響柏仲竟然未起身, 不過7點都醒啦, 都係要帶埋佢落去, 送咗子元上校車就返上樓啦, 夠鐘就入嫲嫲到, 我就買早餐返工, 不過今日又要撘地鐵, 因為我見出嚟條路又塞車, 博唔過! 今朝係有嘢做架, 但真係唔想做住, 所以都係做吓自己嘢先囉! 午飯後睇電視, 下午起真係要做少少嘢, 清咁一樣得一樣, hea埋今個星期老細就返, 唉! 食埋個tea又收工啦, 返去接咗笨元就返屋企先, 老公去咗踢波, 嫲嫲揍咗仲仲出來, 點知一早叫咗大包出美孚食飯, 到我返到去佢都未出門口, 對住佢呢D人, 真係唔知可以咩反應, 咁奶奶話入去青衣食都入去啦, 因為屋企冇餸, 就算唔入去我都要買先有嘢食, 咁咪入去囉, 到我地入到去青衣城攞飛食元氣啦, 佢都仲未到囉, 佢的時間觀念真係好得人驚! 去到都係食嘢啦, 柏仲初頭食甜蛋都自己食到吓, 之後比烏冬同蒸蛋就衰衰咁, 子元就好似10日冇食飯咁係咁攞, 真係比佢激死! 忙忙亂亂咁食完就馬上回家啦, 已經八點幾, 返到去就同佢地沖涼, 子元係喺廁所幫手呀, 但只係玩, 到我揍咗柏仲出去後佢又唔識快D沖, 仲玩! 結果又激到我鬧佢, K.O.咗柏仲又要服侍佢, 摸落佢好似有燒但探落又冇喎, 不過都比咗個全餐佢食, 等我沖埋涼對埋功課都快D瞓, 佢食咗藥都攰, 希望瞓醒好D啦! 老公10點幾返到嚟, 我都係坐底一陣咋, 等佢沖埋涼hea陣就瞓啦!

26/10/15

26/10/15   MON   WARM

今日都係如常返工返學啦, 柏仲聽到鬧鐘就起身, 反而子元就要叫到7點先起到身, 食埋早餐快手行啦, 落到去校巴已到呢, 再提醒佢默書要留心, 希望work啦! 返上樓睇吓幾時有巴士, 肯定誤咗班次啦, 要8點幾先有車, 所以行咗出去撘42A囉, 雖則都要等, 但行GE路快D嘛, 加上嫲嫲上咗巴士站接, 咁我可以馬上再撘番車走! 買埋早餐返公司啦, 朝早都係做吓自己嘢, 午飯都係食D冇益嘢, 因為琴晚D飯得番1/3, 唯有帶個杯麵頂吓, 睇吓電視咁! 下午都係做吓自己嘢又做吓公事啦, 放工後去接笨元啦, 回家後準備吓餸就沖涼啦, 沖沖吓老公佢地就返, 柏仲當然周屋搞, 又要攞好多嘢玩, 子元陪吓佢玩, 我快手煮埋個飯, 8點叫做食得, 食完佢地喺房玩吓我洗碗打掃埋就睇功課, 錯就梗有啦, 電子功課又未做好, 之前比部電腦都唔知喺到做咩! 做完溫吓中默就放佢瞓啦, 我就邊摺衫邊睇吓套新劇, 然後打吓機咁, 12點多就瞓啦!