16/10/15

16/10/15   FRI   WARM*

又到星期五啦, 今日已經冇咁攰, 不過柏仲就6點多就起身, 我都係冇覺好瞓! 揍咗子元校車就返上去, 柏仲食完奶, 巴士夠鐘就落樓撘車, 揍咗柏仲入去我就返工啦! 今日都唔算太忙, 都係做吓公事又做吓私事咁啦, 諗緊午飯去唔去買定餸, 不過計計吓都係算, 放工一次過買完返去! 咁食完飯就睇電視啦, 下午都要做吓公事啦, 放工馬上閃去買餸再返屋企, 已經6:15, 柏仲瞓咗, 咁就叫奶奶幫我整咗隻雞陣間蒸, 點知臨出門口柏仲醒咗, 係要我抱住唔比我走, 真係可愛到你想帶埋佢出去, 但梗係唔得啦, 所以叫奶奶安撫住佢先, 咁我就要快閃, 趕到去小童剛剛好咋, 咁行緊去體育館換衫時, 原來老公跟住喺後面, 仲係到嚇我地, 可惡! 程太趕到嚟會合, 咁等佢地換完衫就交收好d嘢, 我就揍佢地去泳池, 然後上返去煮飯啦, 今日可能煮ge嘢唔係太複雜, 所以都好閒有時間沖埋涼, 由於程生佢地等唔切車, 所以老公落去接佢地, 好在我都煮得七七八八, 咁柏仲又算合作都ok啦! 等佢地返上嚟先蒸魚等等, 佢地真係好緊張敏瑩要做咗網上功課先食飯, 咁子元食完飯我都叫佢去做埋功課先, 等敏瑩沖完涼就可以一齊玩, 食完就洗碗, 冇吹咁耐水! 9點半已經做好哂嘢可以睇電視, 佢地今日都早d走, 所以我可以幫子元對埋功課先, 條友都錯漏多, 但總算完成咗, 星期六日可以溫書! 星期五係特別精神d架喎, 睇吓電視12點幾先瞓啦!