15/10/15

15/10/15   THU   WARM

今日係忙碌的一天呢, 朝早叫子元起身時, 發現佢張床係濕GE, 呢D歲數間中賴尿都有GE, 咁咪叫佢快D起身換咗睡衣先, 我又要換佢張被同床單去洗啦, 出門口前望過柏仲仲瞓緊, 咁就照樣送子元校車啦, 點知返到上樓, 聽到廁所有聲, 已經覺得有問題, 因為係有花灑聲, 原來柏仲出咗房, 走咗入廁所開咗花灑, 淋到全身濕哂, 好在佢只係開凍水, 都係濕咗咁解啫, 大叫老公出嚟囉, 佢真係好嘢, 完全唔知個囝走咗出去玩水! 同隻豬仔抺身換衫囉, 跟住咪食奶然後出門口入嫲嫲到囉! 買早餐返公司食埋就開工, 今日要搞商會D嘢, 做足我一朝呀, 下午又要做公司嘢, 今日真係超充實! 放工去接笨元啦, 返到去忙忙亂亂咁, 可能今日攰呀, 所以脾氣好臭, 係咁鬧人, 唔知點解就係控制唔到, 係飯後先叫做好少少, 但總之一見到佢地做嘢唔順眼我就火, 等柏仲瞓咗, 老公可以休息, 先叫做少少, 因為佢話佢病仲未好, 好暈喎! 我就繼續睇埋子元功課啦, 都未有時間溫書呀, 下星期四中文又進評! K.O.埋佢我先沖涼, 已經10點啦, 之後仲要摺埋衫, 好攰呀!!!