10/10/15

10/10/15  SAT   COOL*

今朝又要揍子元去學體操, 柏仲一早叫醒咗我, 所以7:45我就起咗身, 不一會子元自動起身唔洗捉喎, 於是就早出到門口, 去到都係8:35, 咁啱阿sir返到去就交低比佢, 我就可以去買早餐返公司食啦, 星期六都係做自己嘢啦, 放工就直接買午飯返屋企, 因為子元今日踢旺角, 要早出去, 又廢事柏仲太早上嚟我公司, 於是叫咗阿媽過去幫手睇住, 本來差不多1點都未瞓架, 但過咗一陣就自己話瞓, 所以返到去我同阿媽食咗lunch先, 然後就煮粥比柏仲食, 反正有肉有蘿蔔! 瞓到3點幾醒咗啦, 馬上餵飯佢食, 呆呆吓時食係最乖, 之後就開始搗蛋啦, 咪陪佢玩吓囉! 子元踢完波打埋乒乓波返嚟已經5點多, 比佢沖個涼休息吓就要做功課, 但做唔夠一陣就瞓咗, 比我鬧番醒, 話佢知你約咗敏瑩去AEON食飯就要做哂功課先出得去, 咁同佢洗個面叫做好D啦, 快快手做好再溫中默, 都仲係有字唔熟, 雖則今D次字係好類同, 要分辨到用法係有D難度, 但成日都唔識都真係會激嬲人! 最可惡係佢聽到我收到程生電話, 話佢差不多到可來車埋我地時, 佢諗都唔諗就話唔識嗰題時, 真係比我片穫金GE佢! 等佢ready埋就出門口啦, 先幫程生搬咗迪士尼D貨上屋企先, 跟住就去AEON食COCO咖哩, 混混亂亂咁食完餐飯, 子慧爸都有嚟, 因為要攞貨嘛! 食完我地就上二樓行啦, 子元去咗玩卡, 我地就分散周圍行, 睇吓有冇嘢啱買, 比我執到條平GE褲買比子元, 原價$160而家賣$50喎, 梗係要買啦! 最終行到10點多才閃, 截的士又截唔到又凍又大風喎, 真係幾經辛苦先返到去呀陰公, 快手沖好涼就打暈埋嗰兩個!