5/10/15

5/10/15   MON   RAIN

今日請咗日病假, 喉嚨痛呀反正都要睇醫生, 咁不如請埋日假啦, 不過都休息唔到幾多, 柏仲竟然瞓到8點都未醒, 要叫醒佢出門口, 入得去青衣都9點多, 馬上撘番42閃去法國睇都已經10點, 等得嚟11點先有得睇, 攞埋藥返美孚仲要去入票, 咁就去惠康買埋餸, 喺附近買埋飯返去食完就食藥然後瞓, 不過3點幾又要落去接子元校車, 條友落車原來真係仲hyper中, 返到去又要沖涼又要食嘢, 開場做功課都差不多5點, 點知做做吓瞓咗, 咪叫佢上床瞓囉, 瞓咗一個鐘都唔夠, 又哄又鬧咁先肯繼續做, 我就開始煮吓飯, 不停出出入入咁, 叫做做完啦比佢睇吓電視囉, 老公8點多先返到嚟, 食完飯老公出咗去銀行, 我就又要洗碗抺地睇住兩隻嘢, 9點K.O.咗仲仲, 叫子元溫吓默書先, 跟住9點半都趕埋佢去瞓啦, 我食咗藥已經神智不測, 但都要等11點幾食多次先瞓, 所以喺廳瞓陣先, 迷迷糊咁食埋藥就瞓啦!