1/10/15

1/10/15   THU   HOT RAIN**

今日站於我地立場只係一日假, 冇咩國慶唔國廢GE! 朝早柏仲同子元都早起身, 但我真係想瞓呀, 於是搞咗換片餵奶嗰part之後就放棄咗, 好在老公都肯接手, 佢地出咗廳唔知做咩啦, 我就喺房瞓得番喎, 瞓到9點幾先再起身呢, 都算夠皮! 起身後出去食早餐啦, 北海道勁多人, 所以都係去板板到食, 食完就去惠康入吓貨, 順手買埋明晚D餸, 咁又買咗3百蚊啦, 不過又用到卷又買到平嘢飲都OK啦! 沿路返去又買吓其他嘢咁啦, 柏仲未返到屋企已瞓咗, 放佢落床就得, 等我可以收拾吓, 等子元回來休息咗就要佢開始默書嗰D, 條友話溫哂, 但一默就見真章, 完全死哂, 激到我顛, 真係唔想提! 總之最終都叫溫完啦, 咁就找地方出去食午餐, 諗完一輪就決定去深水涉食車仔麵, 一落樓就落雨, 又要返上去攞遮, 上到巴士都開始停雨, 不過柏仲捱埋嚟時覺得佢去熱, 應該係發燒喎, 但佢又冇咩其他徵狀, 我地又出咗嚟, 點都食埋嘢先返去架啦, 不過佢個人勁不安, 完全唔肯坐低食嘢, 最終老公快食完就抱佢出去行吓先, 等我食完就比子元行陣睇玩具, 我就揹住仲仲, 不過佢都係要快D返去食藥, 成個火爐咁! 買埋晚餐的口水雞返去, 喺等車時柏仲就瞓咗, 上到車子元瞓埋, 終於返到屋企, 快手沖個涼食咗藥, 生猛番哂亦開始退燒, 我地都輪流食晚餐, 9點餵多次藥就瞓, 子元都9點半瞓, 明天要返學呢! 反而係我地瞓唔著, 先係肚餓再食嘢又要等吓, 跟住又同老公相討第時柏仲張床點設計, 最終3點多先瞓呢!