19/10/15

19/10/15   MON   HOT

今日都係如常咁返工返學啦, 柏仲唔知幾時醒咗, 我關鬧鐘時見到條友坐咗喺到, 嚇死! 揍咗子元跟手就返上樓等有車就揍柏仲入嫲嫲到啦, 由於入去時見南橋上葵涌道個位撞咗車, 唔博啦梗係落去撘地鐵啦, 都係同巴士唔差太遠, 只係要行囉! 跟住就去買早餐啦, 今日都係做吓自己嘢多, 午飯去咗買飯, 回來都係睇電視食飯咁啦, 下午又係hea吓做吓自己嘢啦, 時間都過得快, 放工就去接笨元, 返去見佢比阿媽鬧緊, 我做我細個時就係呢個咁衰GE樣, 因為阿媽教緊佢拿筆, 我都係學唔好架, 但而家咪都寫到字, 我想叫阿媽算架, 不過又冇得咁, 唯有子元你自己努力啦! 返到屋企就乖乖跟to do list做嘢啦, 暫時嚟講仲work! 咁我都沖埋涼先煮飯, 因為琴日都prepare好D 餸, 唔太多嘢整! 食完飯都係咁洗碗抺地啦, 跟住就係打暈仲仲, 幫子元睇功課, 佢自己有溫到書, 我叫佢寫吓board溫習要寫吓的字等, 呢個白板真係用到回本! 終於K.O.埋佢, 我可以閒吓睇吓電視, 11點就頂唔住瞓覺!