8/10/15

8/10/15   THU   HOT

今朝柏仲又係同我一齊起身, 驚死蝕咁! 子元反而就要拖佢落床, 頂呀! 食住早餐趕校車啦, 跟住又係等嫲嫲過嚟啦, 因為老公今晚踢波! 又係去咗飲茶啦, 然後就返工啦, 仲仲竟然唔肯放我走, 於是咪一齊囉! 返到公司都係hea啦, 今朝連吹水的skype都冇人, 真係悶鬼死! 午飯後都係睇電視啦, 下午又再hea過, 放工就返屋企, 因為阿媽今日請咗假, 所以子元返咗屋企, 琴日整咗個to do list比佢, 今日佢都用到喎, 好肯做哂D嘢! 嫲嫲話入青衣城食飯, 因為大包放假唔肯出來荔欣食, 咁我地咪入去囉, 乘機講吓佢同kai哥單嘢囉, 條友真係又鬧阿媽好迫佢嫁喎, 我都忍唔住口要鬧番佢, 嫁唔嫁你自己決定架嘛, 人地問聲就話人地迫你, 抵鬧! 咁佢又再講嗰日佢6299鬧佢D嘢啦, 有D係不通GE, 但有D其實好小事, 冇話邊個唔啱, 只係佢地兩公婆加6299都唔夠愛屋及烏, 所以相處唔到, 所以話呢, 婆媳係唔可以一齊住, 一家一主始終唔會將問題複雜化! 食完飯啦都唔好霸住人地張枱嚟鬧佢啦, 一日唔叫埋kai哥出嚟講都冇意思! 諗住去埋廁所就回家, 點知子元又話去商務睇書, 最終又屈我買咗3本書比佢, 都係佢嗰堆咩鬼小百科, 咁見佢咁有興趣都要買啦, 我再買多3本作業比佢, 其實都係for考試時比佢做, 等我唔洗出題目出得咁辛苦! 出完血就返屋企啦, 一拖二咁返去快手沖好兩隻豬, K.O.咗柏仲先就幫子元睇功課溫書, 佢跟住個to do list佢好樂意咁做, 不過由於又要對功課又要溫書所以10點多先放到佢! 老公都踢完波返嚟囉, 笨元都瞓埋覺我又可以休息啦!